Лудоманияның (ойынға тәуелділіктің) алдын алу бойынша «Тәуелділікке қарсы идея» атты жобалар, идеялар мен ұсыныстар конкурсын өткізу туралы
ЕРЕЖЕ
1. Жалпы ережелер
1.1. Осы Ереже жастар арасында лудоманияның (ойынға тәуелділіктің) алдын алуға бағытталған «Тәуелділікке қарсы идея» жобалар, идеялар мен ұсыныстар конкурсының мақсаттарын, міндеттерін, ұйымдастыру және өткізу тәртібін айқындайды.
1.2. Байқау І. Жансүгіров атындағы Жетісу университеті мен Қазақстан Экологиялық қорының бірлесуімен өткізіледі.
1.3. Байқауға мектептердің жоғары сынып оқушылары, колледждер мен жоғары оқу орындарының студенттері, сондай-ақ жастар ұйымдарының өкілдері қатыса алады.
1.4. Жұмыстар электронды түрде қабылданады. Қорытынды материалдар конференцияда, дөңгелек үстелде, идеялар көрмесінде ұсынылуы мүмкін және әлеуметтік желілерде, БАҚ-та жарияланады.
2. Байқаудың мақсаты мен міндеттері
2.1. Байқаудың мақсаты – жастардың ойынға тәуелділікке деген тұрақты теріс көзқарасын қалыптастыру және лудоманияның алдын алу бойынша тиімді шешімдерді әзірлеу.
2.2. Байқаудың міндеттері:
- Жастар мен қоғамның назарын лудомания мәселесіне және оның салдарына аудару;
- Жастардың алдын алу саласындағы шығармашылық және зерттеу белсенділігін ынталандыру;
- Жобалар, бастамалар мен ұсыныстар арқылы өзін-өзі шығармашылық тұрғыда көрсетуге жағдай жасау;
- Салауатты өмір салты мен баламалы бос уақыт түрлеріне оң көзқарас қалыптастыру;
- Лудоманияның алдын алу бойынша білім беру ұйымдарының, жастар ұйымдарының және БАҚ-тың күшін біріктіру.
3. Байқауға қатысушылар
- мектептердің жоғары сынып оқушылары;
- колледждер мен жоғары оқу орындарының студенттері;
- жастар ұйымдары.
3.2. Қатысу форматы – жеке немесе команда құрамында (3 адамға дейін).
3.3. Бір қатысушыдан ұсынылатын жобалар саны – екіден артық емес.
4. Қатысу шарттары мен жұмыстарға қойылатын талаптар
- Жұмыстың тақырыбы конкурс бағытына сәйкес болуы тиіс – лудоманияның алдын алу.
- Әрбір жоба идеяның сипаттамасын, іске асыру механизмін, күтілетін нәтижені және әлеуметтік әсерді қамтуы тиіс (көлемі – 2–5 бет).
- Қабылданатын түрлері: зерттеу жобасы, әлеуметтік бастама, іс-шара сценарийі, жастар саясатына арналған ұсыныс, білім беру бағдарламасы, медиа- және жарнамалық идеялар.
- Жұмыстар түпнұсқа болуы тиіс және басқа конкурстарға бұрын қатыспаған.
- Қатысу өтінімін мына электронды поштаға жолдау қажет: king_bara@mail.ru (Қосымша 1).
5. Байқауды өткізу тәртібі
- Өтінімдер мен жобаларды қабылдау – 2025 жылғы «15» қыркүйектен «22» қыркүйекке дейін.
- Қазылар алқасының жұмысы және финалистерді анықтау – 2025 жылғы «23» қыркүйектен «24» қыркүйекке дейін.
- Идеяларды таныстыру және жеңімпаздарды марапаттау – 2025 жылғы «25» қыркүйек.
6. Бағалау критерийлері
- байқау тақырыбына сәйкестігі;
- өзектілігі және әлеуметтік маңыздылығы;
- идеяның түпнұсқалығы мен креативтілігі;
- практикалық іске асырылуы;
- күтілетін әлеуметтік әсер;
- шығармашылық тәсілдің болуы.
7. Қазылар алқасы
7.1. Қазылар алқасының құрамына ұйымдастырушылардың өкілдері, оқытушылар, психологтар, әлеуметтанушылар, жастар саясаты саласындағы мамандар кіреді.
7.2. Қазылар алқасының шешімі түпкілікті болып табылады және қайта қаралмайды.
8. Жеңімпаздарды марапаттау
- Байқау жеңімпаздарының үздік 10 жобасы ақшалай сыйлықтармен марапатталады.
- II және III орын иегерлеріне дипломдар мен естелік сыйлықтар табысталады.
- Сыйақы қоры – 200 000 (екі жүз мың) теңге.
- Үздік жобалар идеялар онлайн көрмесінде көрсетіледі, әлеуметтік желілерде жарияланады және лудоманияның алдын алу бойынша ағартушылық материалдарда қолдану үшін ұсынылады.
9. Ұйымдастырушылық шарттар
- Конкурсқа қатысу тегін.
- Ұйымдастырушылар ұсынылған жобаларды ағартушылық және алдын алу мақсатында пайдалану құқығын өзіне қалдырады.
- Байқау тақырыбына сәйкес келмейтін жұмыстар қаралмайды.
ӨТІНІМ
Лудоманияның алдын алу бойынша «Тәуелділікке қарсы идея» атты жобалар, идеялар мен ұсыныстар конкурсына қатысуға
- Қатысушының тегі, аты, әкесінің аты (немесе команда мүшелерінің): ____________________________
- Оқу орны / ұйым: ____________________________
- Жасы: ____________________________
- Байланыс телефоны, e-mail: ____________________________
- Жоба атауы: ____________________________
- Идеяның қысқаша сипаттамасы (5 сөйлемге дейін): ____________________________
Өтінім беру күні: «___» ____________ 2025 ж.
